CanonLaw.info

Dr. Edward Peters 

To work for the proper implementation of canon law is to play an extraordinarily

constructive role in continuing the redemptive mission of Christ. Pope John Paul II

Blog

Directory

Facebook

Webmaster

Abbreviations

Masterpage

1983 Code

Masterpage

1917 Code

 Masterpage

 Liber Extra

 Masterpage

 Eastern Code

Resolution

1152 x 864

Updated

3 dec 2014

Evening Prayer for the Dead

Overview

Ecclesiastical Latin

For many more prayers and devotional resources in Latin, see Thesaurus Precum Latinarum.

Prayers for the dead are among the most ancient of Christian observances. CCC 958 (drawing on Lumen gentium 50) and 1032 (drawing on Biblical, Patristic, and Conciliar sources).

Among the prayers earnestly recommended by the Church for use on behalf of the dead are the short "Eternal rest" prayer and the longer Liturgy of the Hours, especially Morning and/or Evening Prayer.

The Latin text "Eternal rest" and of Evening Prayer for the Dead are offered (with prose prompts) below.

Evening Prayer

Ad Vesperas

A plenary indulgence, under the usual conditions, applicable only to the souls in Purgatory, may be obtained by the

Deus, [+] in adiutórium meum inténde.

Dómine, ad adiuvándum me festína.

καὶ ἒσται διὰ παντὸς εἰς τοῦ αἰῶνος τῶν αἰώνων. Ἁμήν.

Antiphon: Dóminus custódit te ab omni malo: custódiat ánimam tuam Dóminus.

Levábo óculos meos in montes: unde véniet auxílium mihi?

Auxílium meum a Dómino, qui fecit cælum et terram.

Non dabit in commotiónem pedem tuum, neque dormitábit, qui custódit te.

Ecce non dormitábit neque dórmiet, qui custódit Israel.

Dóminus custódit te, Dóminus umbráculum tuum, ad manum déxteram tuam.

Per diem sol non percútiet te, neque luna per noctem.

Dóminus custódiet te ab omni malo; custódiet ánimam tuam Dóminus.

Dóminus custódiet intróitum tuum et éxitum tuum ex hoc nunc et usque in sæculum.

Antiphon: Dóminus custódit te ab omni malo: custódiat ánimam tuam Dóminus.

Psalmus 129 (130)

Antiphon: Si iniquitátes observáveris, Dómine; Dómine, quis sustinébit?

De profúndis clamávi ad te, Dómine; Dómine, exáudi vocem meam.

Fiant aures tuæ intendéntes in vocem deprecatiónis meæ.

Si iniquitátes observáveris, Dómine, Dómine, quis sustinébit?

Quia apud te propitiátio est, ut timeámus te.

Sustínui te, Dómine, sustínuit ánima mea in verbo eius;

sperávit ánima mea in Dómino magis quam custódes auróram.

Magis quam custódes auróram speret Israel in Dómino,

Quia apud Dóminum misericórdia, et copiósa apud eum redémptio.

Et ipse rédimet Israel ex ómnibus iniquitátibus eius.

Antiphon: Si iniquitátes observáveris, Dómine; Dómine, quis sustinébit?

Canticum (Phil II: 6-11)

Antiphon: Sicut Pater súscitat mórtuos et vivíficat, sic et Fílius quos vult vivíficat.

Christus Iesus, cum in forma Dei esset,

non rapínam arbitrátus est esse se æquálem Deo,

sed semetípsum exinanívit formam servi accípiens,

in similitúdinem hóminum factus;

et hábitu invéntus ut homo, humiliávit semetípsum

factus obœdiens usque ad mortem, mortem autem crucis.

Propter quod et Deus illum exaltávit et donávit illi nomen,

quod est super omne nomen,

ut in nómine Iesu omne genu flectátur cæléstium et terréstrium et infernórum

et omnis lingua confiteátur: "Dóminus Iesus Christus!", in glóriam Dei Patris.

Antiphon: Sicut Pater súscitat mórtuos et vivíficat, sic et Fílius quos vult vivíficat.

Lectio (1 Cor XV: 55-57)

Ubi est, mors, victória tua? Ubi est, mors, stímulus tuus? Stímulus autem mortis peccátum est, virtus vero peccáti lex. Deo autem grátias, qui dedit nobis victóriam per Dóminum nostrum Iesum Christum.

Verbum Domini.

Deo gratias.

Responsorium

In te, Dómine, sperávi: Non confúndar in ætérnum.

In te, Dómine, sperávi: Non confúndar in ætérnum.

Exsultábo et lætábor in misericórdia tua.

Non confúndar in ætérnum.

Gloria Patri, et et Filio, et Spiritui Sancto.

In te, Dómine, sperávi: Non confúndar in ætérnum.

   vel

In misericórdia tua, Dómine, Dona eis réquiem.

In misericórdia tua, Dómine, Dona eis réquiem.

Qui ventúrus es iudicáre vivos et mórtuos,

Dona eis réquiem.

Gloria Patri, et et Filio, et Spiritui Sancto.

In misericórdia tua, Dómine, Dona eis réquiem.

Canticum Mariae

Antiphon: Omne quod dat mihi Pater ad me véniet: et eum qui venit ad me, non eíciam foras.

Magnificat [+] anima mea Dominum, et exsultavit spiritus meus in Deo salvatore meo, quia respexit humilitatem ancillæ suæ. Ecce enim ex hoc beatam me dicent omnes generationes, quia fecit mihi magna, qui potens est, et sanctum nomen eius, et misericordia eius in progenies et progenies timentibus eum. Fecit potentiam in brachio suo, dispersit superbos mente cordis sui; deposuit potentes de sede et exaltavit humiles; esurientes implevit bonis et divites dimisit inanes. Suscepit Israel puerum suum, recordatus misericordiæ, sicut locutus est ad patres nostros, Abraham et semini eius in sæcula.

Gloria Patri, et Filio, et Spiritui Sancto;

sicut erat in principio, et nunc, et semper, et in sæcula sæculorum. Amen.

Antiphon: Omne quod dat mihi Pater ad me véniet: et eum qui venit ad me, non eíciam foras.

Preces

Christo Dómino, per quem fore speramus ut corpus humilitatis nostræ córpori claritatis suæ configuretur, acclamemus, dicentes --- Tu es vita et resurréctio nostra, Dómine.

Pater noster, qui es in cælis: sanctificetur nomen tuum; adveniat regnum tuum; fiat voluntas tua, sicut in cælo, et in terra. Panem nostrum quotidianum da nobis hodie; et dimitte nobis debita nostra, sicut et nos dimittimus debitoribus nostris; et ne nos inducas in tentationem; sed libera nos a malo.

Πάτερ ἡμῶν ὁ ἐν τοῖς οὐρανοῖς˙ ἁγιασθήτω τὸ ὄνομα σου˙

ἐλθέτω ἡ βασιλεία σου˙ γενηθήτω τὸ θέλημά σου,

ὡς ἐν οὐρανῷ καὶ ἐπὶ τῆς γῆς˙

τὸν ἄρτον ἡμῶν τὸν ἐπιούσιον δὸς ἡμῖν σήμερον˙

καὶ ἄφες ἡμῖν τὰ ὀφειλήματα ἡμῶν,

ὡς καὶ ἡμεῖς ἀφήκαμεν τοῖς ὀφειλέταις ἡμῶν˙

καὶ μὴ εἰσενέγκῃς ἡμᾶς εἰς πειρασμόν,

ἀλλὰ ρῦσαι ἡμᾶς ἀπὸ τοῦ πονηροῦ.

Orationes

Preces nostras, quæsumus, Dómine, benígnus exáudi, ut, dum extóllitur nostra fides in Fílio tuo a mórtuis suscitáto, in huius fámuli tui N. præstolánda resurrectióne, spes quoque nostra firmétur. Per Dóminum.

vel

Deus, glória fidélium et vita iustórum, cuius Fílii morte et resurrectióne redémpti sumus, propitiáre fámulo tuo N., ut, qui resurrectiónis nostræ mystérium agnóvit, ætérnæ beatitúdinis gáudia percípere mereátur. Per Dóminum.

vel, In Pasca:

Inclína, Dómine, aurem tuam ad preces nostras, quibus misericórdiam tuam súpplices deprecámur, ut fámulum tuum N., quem in hoc sæculo tuo pópulo misericórditer aggregásti, in pacis ac lucis regióne constítuas, et sanctórum tuórum concédas esse consórtem. Per Dóminum.

vel, Pro pluribus:

Deus, qui Unigénitum tuum, devícta morte, ad cæléstia transíre fecísti, concéde fámulis tuis (N. et N.), ut, huius vitæ mortalitáte destrúcta, te conditórem et redemptórem possint perpétuo contemplári. Per Dóminum.

vel, Pro fratribus, propinquis et benefactoribus:

Deus, véniæ largítor et humánæ salútis amátor, quæsumus cleméntiam tuam, ut nostræ congregatiónis fratres, propínquos et benefactóres, qui ex hoc sæculo transiérunt beáta María semper Vírgine intercedénte cum ómnibus sanctis tuis, ad perpétuæ beatitúdinis consórtium perveníre concédas. Per Dóminum

Conclusio (ad laicorum usum)

Eternal rest

A partial indulgence, applicable only to the souls in Purgatory, may be obtained by the

Requiem æternam dona ei (eis), Domine, et lux perpetua luceat ei (eis). Requiescat (requiescant) in pace. Amen.

Miscellanea

Oratio (Vel, Vel, Pro pluribus, Pro fratribus, propinquis et benefactoribus, vel alia ex Missali Romano).